2022-жылдын 14-апрелинде К.Тыныстанов атындагы ЫМУнун Колледжинин студенттери “Биз коррупцияга каршыбыз”,-деген аталышта иш чара өткөрүштү. Иш чарада коррупцияны түп тамырынан бери кандай максатта жок кылабыз деген проблемалуу маселенин айланасында атайын даярдалган видеоролик аркылуу жеткиликтүү деңгээлде жооп беришти. Иш чара эки бөлүктөн туруп, биринчи бөлүгүндө коррупциянын тамырланып кеткен жагдайларын көрсөткөнгө аракет кылышкан. Экинчи бөлүгү акыры коррупциянын тамыры кыркылып, биз жаркын келечекте проблемасы жок жашайбыз деген ураандын астында маданий бөлүккө орун беришкен. Студенттердин күчү менен даярдалган бул иш чарага окуу жайыбыздын ректору А.Иманбаев абдан ыраазы болуп, жаркын келечекке оптимисттик көз караш менен караган келечек муундарга ийгилик жылоолоп, бул иш чараны уюштурган колледждин тарых мугалими Т.Эшиева менен катышкан студенттерге Чолпон-Ата шаарындагы “Рух Ордо” маданий комплексине экскурссияга барып келүүгө жолдомо берди. Бул сыяктуу мазмундагы иш чаралар колледжде акыркы мезгилде байма-бай өтүүдө. Эмесе колледждин жалпы жамаатына мындан аркы иштерине ийгилик каалап кетмекчибиз.