2019-жылдын 31-май жана 1-июнунда Касым Тыныстанов атындагы Ысык-Көл мамлекеттик университетинде “Борбордук Азиядагы 1916-ж. көтөрүлүш: академиялык интеграция, жаӊы мамиле жана билим” аттуу эл аралык симпозиум өтүп жатат. Бул долбоор Айгине МИБ Ачык коомду алдыга жылдыруу Фондун (Foundation to Promote Open Society) колдоосу менен ишке ашырылууда. Симпозиумдун эң негизги максаты бул Борбордук Азиядагы 1916-ж. көтөрүлүштүү изилдөө маселелери боюнча изилдөчүлөрдүн бириктирүү аркылуу академиялык интеграцияны колдоо. Симпозиумдун уюштуручулары жана партнерлору Айгине маданий-изилдөө борбору (Айгине МИБ), КР Президентинин Аппаратынын алдындагы «Мурас» Фонду, Касым Тыныстанов атындагы Ысык-Көл мамлекеттик университети, Борбордук Азияны изилдөө боюнча француз институту (IFEAC), Донору Ачык коомду алдыга жылдыруу Фонду (Foundation to Promote Open Society). Аталган симпозиумга Франция, АКШ, Япония, Россия, Швеция, Австралия, Казахстан, Таджикистан, Өзбекистан жана Кыргызстандын баардык региондорунан изилдөөчү илимпоздор катышууда.
