Кафедранын башчысы, педагогика илиминин кандидаты, доцент
Исакова Чинара Бакировна
Кафедранын адреси: ЫМУнун 1 корпусу, Тыныстанов көчөсү, 321 кабинет
Телефон (жумуш): 03922 5-27-06
E-mail: Minuru1304@mail.com
Педагогика жана психология кафедрасынын максаты
Педагогика жана психология кафедрасынын максаты – руханий адеп-ахлактык баалулуктардын артыкчылыгын жана келечек муундар алдындагы жарандык жоопкерчилигин түшүнгөн, ишмердүү, билимдүү, мобилдүү, инновациялык жана өзүн-өзү өнүктүрүүгө жөндөмдүү адистерди даярдоо, тарбиялоо жана өнүктүрүү.
Педагогика жана психология кафедрасынын негизги маселелери:
Компетенттүү адистерди даярдоодо практикалык багытты күчөтүү жана ишке ашырууда:
- Университетте илимий-изилдөө жана билим берүү иш-аракетинде билим-берүү программалары жана окуу-усулдар менен камсыздоону уюштуруу;
- Илимий, окуу-методикалык базасын чыңдоодо маалыматтык –коммуникациялык технологияларды колдонуу;
- Тарбия иштерин калыптандырууда студенттердин маданий-адептик чөйрөсүн калыптандыруу, алардын жарандык активдүүлүгүн жана жоопкерчилигин калыптандырууну камсыз кылуу;
- Болочок адистерди өзүн-өзү өнүктүрүү жана квалификациялоо, алардын чыгармачылыгын ишке ашыруу, кесиптик деңгээлин жогорулатуу.
- Билим берүү жана педагогикалык илимдер багытында жогорку квалификациялуу илимий-педагогикалык кадрларды даярдоо;
- Заманбап теориялык эксперименталдык жана прикладдык, кесиптик багыт берүүчү педагогиканын психологиялык-педагогикалык маселелери илимий жактан изилдөө;
Педагогика жана психология кафедрасынын принциптери:
- Гумандаштыруу билим берүүдө – салттуу маданияттын баалуулуктарын калыптандыруу принциптери.
- Экологиялык билим берүү – адамдарды жаратылыш менен байланыштыруу, алардын биримдигинин мыйзамдарын калыптандыруу.
- Билим берүүнү гумандаштыруу – адамдын баалуулуктарын биринчи учурда, анын кадыр-баркын, жөндөмдүүлүктөрүн, кызыкчылыктарын өнүктүрүү принциптери.
- Билим берүүнүн маалыматтык технологиялаштыруу принциптери.
Психологиялык-педагогикалык циклдин дисциплиналарын өздөштүрүүдө студент төмөнкү кесиптик компетенттүүлүккө ээ болууга тийиш:
Курсту изилдөөдө иштелип чыккан жалпы компетентциялар
- кесиптик маселелерди чечүүдө негизги жоболорду жана түшүнүктөрдү колдонуу;
- заманбап маалыматтык булактарды колдонуу менен жаңы билимге ээ болуу.
Инструменталдык компетенттүүлүк: - билим берүү процессинин өзгөчөлүгүнүн мыйзам ченемдүүлүктөрүн талдоо;
- дидактикада окутуунун негизги түшүнүктөрүн изилдөө;
• заманбап билим берүү технологияларын өздөштүрүү.
Социалдык жана жеке компетенциялар:
- коомдук кубулуштарды изилдөө;
• коомдогу адамдын жүрүм-турум аракеттерин иликтөө; - адам менен иштөөдө ыкмаларды колдонуу көндүмдөрүн жана ыктарын калыптандыруу
ПСИХОЛОГИЯЛЫК-ПЕДАГОГИКАЛЫК ЖАНА
ГУМАНИТАРДЫК ИЛИМДЕР КАФЕДРАСЫНЫН ТАРЫХЫ
1963-жылы Пржевальск мамлекеттик педагогикалык институтунун (азыркы К.Тыныстанов атындагы ЫМУ) базасында педагогика жана психология кафедрасы түзүлүп, аны Ж.Ш.Жанузаков жетектеген. Кийинки жылдары кафедраны Исмаилова Ш.А., доценттер Ыбыкеев А.Ы., Муканбетов Т.М., Жакеева Ы.Ж. жетектешген. (1998-жылга чейин).
1998-2000-жылдардын ортосунда «Педагогика жана психология» кафедрасы «Педагогика» жана «Психология» кафедраларына бөлүнүп, 2006-жылдын сентябрь айынан баштап «Педагогика» жана «Психология» кафедралары бириктирилип, «Психологиялык-педагогикалык дисциплиналар» кафедрасы түзүлгөн. 2007-жылы кафедра «Педагогика жана психология» кафедрасы болуп өзгөртүлгөн. 2007-2016-жылдары кафедраны п.и.к., проф. Дюшеева Н.К. 2016-жылдын апрелинен 2021-жылдын сентябрына чейин кафедраны п.и.д., доцент Карасартова Ж.Б. жетектеген. 2021-жылы гуманитардык илимдер кафедрасынын окутуучулары кафедрага киргизилип, кафедра «Психологиялык-педагогикалык жана гуманитардык илимдер кафедрасы» болуп өзгөртүлгөн. 2021-жылдын сентябрь айынан баштап кафедра башчысы болуп п.и.к., доцент Исакова Ч.Б.
Кафедранын профессордук-окутуучулар курамы
- Исакова Ч.Б. – кафедра башчысы, педагогика илимдеринин кандидаты, доцент;
- Бөкөнтаева Ж.К. – социология илимдеринин кандидаты, доцент;
- Карасартова Ж.Б. – педагогика илимдеринин кандидаты, доцент;
- Ткачева С.А.– педагогика илимдеринин кандидаты, доцент;
- Чолпонкулова Н.Т. – психологиялык илимдеринин кандидаты, доцент;
- Кожомуратов А.Т.– ага окутуучу;
- Сагимбекова Д.С.– ага окутуучу;
- Абышалиев К.Б. – ага окутуучу;
- Сооронбаева Ч.К. – ага окутуучу;
- Боталиева У.А. – окутуучу;
- Акмолдоева А.Ж.– окутуучу;
- Ордобаева С.Р. С.Р. – окутуучу;
- Абакиров А.А. – окутуучу;
- Тиленова А.Т.– лаборант.
Психологиялык-педагогикалык жана гуманитардык илимдер кафедрасы педагогикалык жана университеттик адистиктиктеги студенттерин психологиялык, педагогикалык жана гуманитардык дисциплиналар боюнча кесиптик даярдоону камсыз кылат.
Психологиялык-педагогикалык жана гуманитардык илимдер кафедрасы университетте окуу-методикалык, илимий-изилдөө, тарбиялык иштерди жүргүзөт.
ОКУУ – МЕТОДИКАЛЫК ИШТЕРИ
Кафедранын окуу-методикалык иштери
Психологиялык-педагогикалык жана гуманитардык илимдер кафедрасынын окуу-методикалык ишмердүүлүгү төмөнкү багыттар боюнча жүргүзүлөт:
- Окутуудагы психологиялык, педагогикалык жана гуманитардык дисциплиналар үчүн окуу-методикалык комплекстерди түзүү жана толуктоо;
- Окутулуп жаткан дисциплиналар боюнча окуу-методикалык материалдарды иштеп чыгуу жана толуктоо;
- Магистрдик диссертацияларды жана өз алдынча иштерди аткаруу үчүн темаларды, тапшырмаларды даярдоо.
- Квалификацияны жогорулатуу боюнча иш-чараларга катышуу. Сабактарга катышуу жана талдоо, ачык сабактарды уюштуруу жана өткөрүү. Билим берүүнүн актуалдуу проблемалары боюнча илимий иштердин натыйжаларын, илимий-методикалык конференциялардын материалдарында, окуу-методикалык жыйнактарда жана окуу куралдарында жарыялоо.
- Кафедранын окуу-методикалык кеңешмесине, факультеттин усулдук комиссиясына, университеттин окуу-методикалык кеңешмесине катышуу.
Психологиялык-педагогикалык жана гуманитардык илимдер кафедрасынын 2023-2024-окуу жылы үчүн иш планы
ИЛИМИЙ ИЗИЛДӨӨ ИШТЕРИ
Кафедранын илимий-изилдөө иштери
Психологиялык, педагогикалык жана гуманитардык илимдер кафедрасынын илимий темасы: «Психологиялык-педагогикалык жана гуманитардык илимдердин негизинде болочок мугалимдердин кесиптик компетенцияларын калыптандыруу».
Изилдөөнүн темасы кафедранын ишмердүүлүгүнүн бардык багыттарын жана айрым багыттарда окутуучулардын адистигин камтыйт. Бул илимий иштерди аткарууга кафедранын бардык окутуучулары катышышат.
Илимий изилдөөлөрдүн негизги жыйынтыктары жыл сайын илимий журналдарда, анын ичинде Жогорку аттестациялык комиссия жана Кыргыз Республикасынын Билим берүү министрлиги тарабынан сунушталган журналдарда жарыяланып турат.
Бакалавр жана магистратура үчүн жаңы окуу пландарын жана программаларын ишке ашыруу улантылды; инновациялык окуу-методикалык комплекстер ишке ашырылууда, студенттердин жана жаш окумуштуулардын илимий-изилдөө иштерин колдоо системасы жигердүү өнүгүп жатат.
Кафедранын мүчөлөрү педагогика жана психологиянын актуалдуу багыттары боюнча квалификациясын жогорулатууну онлайн жана оффлайн режиминде үзгүлтүксүз жүргүзүп турушат.
Илим жана эл аралык байланыштар бөлүмү менен бирдикте билим берүүнү модернизациялоо, билим берүүдөгү инновациялык процесстер, билим берүүнүн сапатын камсыз кылуу көйгөйлөрү боюнча эл аралык жана республикалык илимий-практикалык конференцияларды, окуу семинарларын уюштурууга жана өткөрүүгө катышат. жогорку окуу жайларында билим алуу. Каракол шаарындагы бала бакчаларга, балдарды реабилитациялык борборго консультациялык жардам (балдардын психологиясы, дефектологиясы боюнча).
КВАЛИФИКАЦИЯНЫ ЖОГОРУЛАТУУ
Квалификацияны жогорулатуу
Педагогикалык ишмердүүлүк профили боюнча квалификацияны жогорулатуу ЫМУнун ар бир штаттык окутуучусунун функционалдык милдети болуп саналат. ЫМУнун профессордук-окутуучулук курамынын квалификациясын жогорулатуу болгон квалификациялардын алкагында кесиптик деңгээлин жогорулатуу жана (же) кесиптик ишмердүүлүк үчүн зарыл болгон жаңы компетенцияларга ээ болуу максатында жүргүзүлөт; билим берүүнүн жаңыланган мазмунун, түзүмүн жана инновациялык технологияларын билим берүү процессине киргизүү үчүн мугалимдерди даярдоо; Университет тарабынан атаандаштыкка жөндөмдүү адистерди даярдоонун сапатын жогорулатуу, окуу процессин башкарууну жакшыртуу.
ЫМУнун окутуучуларынын квалификациясын жогорулатуу төмөнкү милдеттерди чечүүгө багытталган:
– педагогикалык ишмердүүлүк профилинде педагогикалык чеберчиликти өркүндөтүү;
– предметтик компетенцияны өркүндөтүү;
– окутуунун жаңы ыкмаларын жана технологияларын изилдөө жана окуу процессине киргизүү;
– илимий-изилдөө, методикалык, инновациялык жана чыгармачылык ишмердүүлүктү активдештирүү;
– билим берүү жана чыгармачылык ишмердүүлүктүн сапатын башкаруу жаатындагы компетенттүүлүгүн жогорулатуу;
Педагогикалык ишмердүүлүк жаатында педагогикалык кадрлардын квалификациясын жогорулатуу системалуу түрдө жүргүзүлүүдө.
ПЕДАГОГИКАЛЫК ПРАКТИКА
Педагогикалык практика педагогика жана психология кафедрасынын окуу планынын милдеттүү компененти болуп саналат жана алган теориялык билимин бекемдөөгө, практикалык көндүмдөргө ээ болууга багытталган.
Окуу планынын негизинде студенттер адаптациялык, кесиптик-базалык, кесиптик –профилдик практикаларды өткөрүшөт.
Педагогикалык практика
Адаптациялык-педагогикалык практика
Кесиптик-базалык практика
Кесиптик-профилдик практика
Педагогикалык практиканын максаты:
-студенттердин баштапкы кесиптик билим алуусу;
– студенттердин 1 жана 2 курстарда окуу процессинде алган баштапкы теориялык билимдерин бекемдөө, иштеп чыгуу жана өркүндөтүү;
-окутуунун теориялык алган билимдерине, карата адистешүү боюнча, кесиптик көндүмдөргө жана жөндөмдөргө ээ болуу;
-студенттердин ишмердүүлүгүнүн негизги багыттарын, алардын мектептеги эмгек шарттарына психологиялык адаптация болуусу;
– практиканттын кесиптик этикасын калыптандыруу;
Педагогикалык практиканын милдети:
-педагогика-психолигия жаатындагы теориялык билимдерди тереңдетүү, туруктуу кесиптик компетенттүүлүктү калыптандыруу, берилген тапшырмаларды өз алдынча натыйжалуу аткаруу жана негиздүү чечимдерди кабыл алуу жөндөмүн калыптандыруу, жыйынтыктоочу материалды топтоо, кесиптик ишмердүүлүккө мотивацияны күчөтүү;
Тандап алган адистиктер боюнча практикалык көндүмдөргө ээ болуу, кесиптик даярдыктын сапатын жогорулатуу, педагогикалык-психологиялык дисциплиналар боюнча алган билимдерин бекемдөө, тажрыйба топтоо менен 4 жуманын ичинде өздөштүрүлгөн педагогикалык практиканын жыйынтыгына баа коюу.
Педагогикалык практиканын программалары (адаптациялык, кесиптик-базалык, кесиптик –профилдик) кафедранын милдеттүү предмети болуп саналат.
Практиканын негиздери -билим берүү программасынын талаптарына жооп берет, практикага кафедрадан тажрыйбалуу окутуучулар жана жооптуу сектор дайындалган.
Практиканы уюштуруу– баштапкы жана жыйынтыктоочу конференцияны өткөрүүнү көзөмөлдөө.
Практика –бул бардык адистиктердин педагогикалык даярдыгынын эң маанилүү процесси болуп саналат.
Практиканын жалпы максаты гуманисттик багытта, болочок адистин кесиптик компоненттүүлүгүн калыптандыруу болуп саналат.
Практиканын негизги маселелери:
1. Материалды теориялык жактан өздөштүрүү процессинде алган билимдерин ишке ашыруу
2. Студенттердин жана магистранттардын өнүүгүсү үчүн келечектеги өз алдынча практикалык ишмердүүлүк үчүн зарыл болгон жеке кесиптик аймакты түзүү.
3. Келечекте белгилүү бир багытта адистин милдеттерин натыйжалуу аткарууга мүмкүнчүлүк бере турган жалпы маданий жана кесиптик компененттүүлүктү калыптандыруу.
Адисти даярдоо боюнча окуу программасы студенттердин жана магистранттардын ар кандай практиканын жыл сайын өтүшүн камтыйт.
Адаптациялык-педагогикалык практика:
2 курстар үчүн 4 семестрде – 2 жума
Кесиптик-базалык практика:
3 курстар үчүн 6 семестрде – 3 жума
Кесиптик-профилдик практика:
4 курстар үчүн 9 семестрде- 4 жума
10 семестрде – 4 жума
Ар бир практиканын түрү болочок адистерди кесиптик даярдоодо салымын кошот, алардын арасында зарыл болгон кесиптик компененттүүлүктү акырындык менен калыптандырат, алардын калыптанышына жана өнүгүүсүнө жардам берет.
КЕСИПКЕ БАГЫТ БЕРҮҮ ИШТЕРИ
Кесипке багыт берүү иштери атайын жыл башында түзүлгөн пландар боюнча ишке ашат. Ар бир окутуучу бөлүнгөн аймактарга кесипке багыт берүү иштери боюнча маалыматтарды беришет. Областтын мектептеринде соц.педагогтор, класс жетекчилер үчүн ар дайым психологиялык кеңештер берилип, аны менен бирге кесипке багыт берүү иштерин да жүргүзүшөт.
Жыл сайын Областтын жана Каракол шаарынын орто мектептеринин бүтүрүүчүлөрү үчүн «Ачык эшиктер» күнү жогорку деңгээлде өткөрүлүп келет.
Кафедранын алдында “Социалдык педагог” адистигин кабыл алууга жарыялап келишет.
ТАРБИЯЛЫК ИШТЕР
Тарбия иштери
Билим берүүнүн негизги максаты – өзгөргөн социалдык чөйрөдө жашоого жөндөмдүү жана социалдык активдүү студенттин маданий, көп кырдуу инсандыгын калыптандыруу.
Окуучулардын жигердүү жашоосу үчүн шарттарды түзүү, жарандык өзүн өзү аныктоо жана өзүн-өзү ишке ашыруу, окуучулардын физикалык, интеллектуалдык, маданий жана адеп-ахлактык өнүгүүсүнө болгон керектөөлөрүн максималдуу түрдө канааттандыруу билим берүү ишинин негизги милдети.
Кафедрадагы тарбия иштери университеттеги тарбия иштеринин максаттарына жана милдеттерине ылайык жүргүзүлөт. Тарбиялык иш-чаралардын темалары азыркы коомдун турмушунун актуалдуу проблемаларын чагылдырат.
Тарбиялык иш-чаралар ЫМУнун жатаканасында студенттик топтордо, колледждин базасында, факультеттерде өтөрүлөт.
Байланыш:
Касым Тыныстанов атындагы Ысык-Көл мамлекеттик университети 722360,
Каракол шаары, Ю.Абдрахманова 103.
Телефон: (3922) 5 01 23; факс: (3922) 5 04 98.
E-mail: interiksu@gmail.com
Бөлүмдүн дареги: ЫМУ 1 корпусу. ст. Тыныстанов, №321 кабинет
Бөлүм телефону: 0(3922) 5-27-06.