2021-жылдын 15-апрелинде ЫМУнун студенттери жана окутуучулары ERASMUS + программасынын EGEA долбоорунун алкагында уюштурулган Жашыл экономика жумалыгынын төртүнчү күнүндө Каракол шаарынын Ботаникалык багында ишембилик уюштурушту. Иш-чаранын катышуучулары кургак жалбырактарды жана бутактарды чогултуп, алардан атайын чуңкурларга компост даярдашты. Эксперимент максатында үч компост жасалып, анын биринчисинде табигый илимдер кафедрасынын окутуучулары жана студенттери тарабынан камдалган ачыткы колдонулса, экинчисинде атайын дүкөндөн сатылып алынган ачыткы пайдаланылган, ал эми үчүнчүсүнө жалаң кургак жалбырактар төшөлгөн. үчүнчү. Органикалык жер семирткичтер 6 айдан кийин даяр болуп, талаа иштеринде колдонууга мүмкүн болот.