2021-жылдын 12-февралында экономика илимдеринин доктору, доцент Капогузов Евгений Алексеевич, Ф.М.Достоевский атындагы Омск мамлекеттик университети, К.Тыныстанов атындагы ЫМУнун студенттери үчүн “Евразия мейкиндигиндеги мамлекеттик башкаруунун реформасынын институционалдык анализи” темасында онлайн конок лекция өткөздү. Лекцияга “Экономика жана туризм” факультетинин деканы Карыбаева Ч.С., “Экономика, каржы жана салык салуу” кафедрасынын башчысы Малаев Э.Т., “Бухгалтердик эсеп, анализ жана аудит” кафедрасынын башчысы Амантурова Ч.К., окутуучулар жана факультеттин студенттери катышты. Евгений Алексеевич базар экономикасынын калыптанышынын факторлору жөнүндө айтып берип, рыноктун бузулуу теориясын жана базар экономикасында мамлекеттин ролун түшүндүрүп берди. Ошондой эле, институционалдык анализ темасында кеңири токтолуп, институционалдык проектирлөөнүн методологиясы, мааниси жана алгоритми жөнүндө сөз кылды. Мындан сырткары, ал институционалдык проектирлөөнүн принциптерин, институционалдык өзгөрүү катары реформанын маңызын жана институционалдык өзгөрүүлөрдүн натыйжалуулугун баалоо методологиясын талкуулады. Лекциянын аягында суроо-жооп сессиясына убакыт бөлүнүп, студенттер өз суроолорун берүүгө мүмкүнчүлүк алышты.